[和食系列] 姐係咁，香港人一向都偏好日本菜，特別鐘意食魚生刺身。魚生呢家野，如果新鮮既質素差極有限既。
呢間餐廳，一入去環境都幾清幽，點知講完呢句，咁就衰左喇！我地坐係個位既環境真係不得了，可能太耐無人坐，一開冷氣，塵土飛揚！（真係唔係講笑！真係有塵係空氣中飛舞架！) 如果大家去試，訂位時記住同佢講唔要坐除鞋坐！即係咁，如果食物質素可以，都可以彌補返嘅！
今次我地介紹既包括魚生飯同火炙魚生飯。首先講魚生飯，個份量都算幾好，魚生既款式都算豐富，而且切得到算厚。至於新鮮度，不過不失啦！如果以佢＄138嘅價錢來講，都還可以嘅！不過，有更好嘅選擇囉！
至於個火炙魚生飯，老老實實，真係麻麻！新鮮度真係幾不足！而且佢炙得有點兒太熟，令到個質感好奇怪，而且仲有機會令中間生既部分容易變壞。如果大家去食，我就唔建議大家選擇呢款，除非你有準備瘦身既準備啦！
今次去食既感覺真係麻麻，唔知係咪一時失手呢？試過既朋友又唔知有咩感想呢？同埋同行中有位朋友碗飯有隻昆蟲囉! 個侍應就咁撥開左佢就算.....attitude 仲要係出哂事咁....
砂煲
灣仔盧押道20號其康大廈3號舖
Search